Alle er hjarteleg velkomne til

BOKSLEPP
for bind II av "Havfolk og fjordfolk", allmennsoga for Askvoll.

Tid: laurdag 29. oktober kl. 14.00
Stad: Askvoll fjordhotell

Forfattaren presenterer og signerer boka, og det vert lettare servering. Boka kostar 498,-

Bind II av "Havfolk og fjordfolk" tek føre seg historia om Askvollområdet (alt innanfor dagens kommunegrenser inkludert) frå omkring 1860 og fram til i dag. Her er mykje spennande stoff, og vi tek med nokre døme:

- Sildefisket – frå svartåra i 1870-åra til nye eventyrtider i 1930-åra. Boka inneheld bl. a. ei komplett liste over fiskebåtar over 50 fot heimehøyrande i Askvoll.
- Jordbruket og utviklinga frå hesteslåmaskin til rundballepresse. Les blant anna om Johan Schumann si forsøksdrift med avl av svartfjessauer i Alden.
- Framveksten av industri: bl. a. Stongfjorden, bygda som blei bygt opp som ein "company town" av British Aluminium Co. Visste du elles at det var planlagt eit tredje teglverk i Straumen, i tillegg til dei to i Vårdal og på Helle?
- Den første bilismen – drosjeeigarane Oskar Ask og Ole Borlaug. Boka inneheld ei komplett liste over alle bilar, traktorar og motorsyklar i Askvoll fram til 1950.
- Andre verdskrigen – om tyske festningsverk i Askvoll og sivil og militær motstand, og om lokale folk som hamna i NS.
- Politiske stridar i etterkrigstida – til dømes kaistriden i 1950-åra, som vart viktig for utforminga av Askvoll sentrum.
…og mykje mykje meir…