Årsmelding for Bulandet Idrettslag 2010

Styret:

Leiar: Eivind Norstrand (på val kvart år)

Nestleiar: William Rogne (på val i 2011)

Sekretær: Kari Helen Blikås (på val i 2011)

Kasserar: Synnøve Melvær (på val i 2012)

Styremedlem: Randi Fedøy (på val i 2012)

1.vara: Sissel K. Steinsvik (på val i 2012)

Styret sitt arbeid og representasjon:

Styret har hatt 2 styremøter og handsama 9 saker. Styret har hatt eit møte med Værlandet
Idrettslag for å planleggje og arrangere Nissemarsj (NIF) i fellesskap.

Kasserar deltok på årsmøte i Askvoll idrettsråd den 12.03.10. ved Askvoll Fjordhotell.

Bulandet idrettslag, Værlandet idrettslag og Barnas Turlag arrangerte nissemarsj den 28.11.10 ved
Værlandet gjesteheim. Arrangmentet var knytt til tenning av julegran.

Askvoll idrettsråd arrangerte fellessamling på Atløy (Herland) helga 29.- 30.10.10. Alle idrettslag
knytt til Askvoll idrettsråd fekk tilbod om å delta. Nestleiar deltok på samlinga.

Aktivitetar:

1) Aerobic – gruppeleiar: Turid Norstrand.

Har hatt to treningar pr. veke (måndag og onsdag frå kl. 19.00 – 20.30) i gymsalen på
skulen. Styrketrening og uttøying for vaksne. Oppmøtet kan variere frå ca. 10 – 15 personar,
kan vere færre eller fleire. Deltakarane har med vekter og matter sjølve.

Har pause i sommarferien når skulen er stengt. Planen er å halde fram til hausten.

2) Fotball – gruppeleiar: Bill Steinsvik.

Har hatt årsinndeling i to grupper: ei gruppe frå 3. - 6. klasse med 6 – 10 deltakarar,
og ei gruppe frå 7. - 10. klasse med 12 – 16 deltakarar.

Gjennom heile skuleåret har det vore to treningar kvar tysdag frå kl. 17.15 – 18.30 og frå
kl. 18.30 – 19.45. Treningane har vore på bana eller i gymsalen på skulen.

I 2010 vart det kjøpt inn 10 nye fotballar, kjegler og div. mindre utstyr. Har pause i
sommarferien når skulen er stengt.

I 2010 var dei minste med på to turneringar i regi av Sogn og Fjordane Fotballkrins. Den
eine turneringa var i Askvoll og den andre på Sande.

De eldste spelte serie gut 13/14 og 7ar fotball. Det er vanleg serie system med heime- og
borte kampar for gutar 13 og 14 år mot 4 andre lag i Sunnfjord. Her vart BIL nr 1.

Dei elste var også med på to turneringar i regi av Volda IL og Førde IL (Førde Cup). BIL
hevda seg godt på begge turneringar: dei vart nr. 4 i Volda og vann B-finalen i Førde.

Evt. utfordringar og planar vidare:

Vil fortsette å ha treningar til samme tid framover. Vi klarer ikke å stille lag i år, men
håpar at vi kan stille igjen om eit par år viss dei minste fortsetter å trene.

To av dei eldste trenar no med Atløy IL og to andre med Askvoll/Holmedal IL.

Anna: Vi hadde også i år eit problem med at bortelaga ikkje stilte til kamp i Bulandet.

Dette medførte at to kampar ikkje vart spelt, samt tap av kioskinntekt.

3) Volleyball 12 – 16 år. Gruppeleiar: Asgeir Torvanger.

Dette er volleyballtreningar for dei som går i 7. - 10. årstrinn på skulen, og som i 2011
fyller 12 til 16 år. Trening ein gong pr. veke (torsdag) i gymsalen på skulen frå kl. 18.00 –
19.00. Dette er ein halvårsaktivitet med start medio oktober.

Det er mange barn i den aktuelle aldersgruppa, godt over 30 stykk samla frå Bulandet og
Værlandet. Vanlegvis er det 12 - 14 stk kvar gong, der dei fleste er frå Værlandet.

Det har likevel fleire gonger vore ca. 6 stk, noko som gjer det vanskeleg å spele med fulle
lag. Sjølv med få deltakarar har det vore seriøse og gode treningar.

Utstyr, utfordringar og planar vidare:

Dei store aluminiumsvegggfesta til nettet i gymsalen måtte reparerast eller erstattast med
nye. Vaktmeister tok dei med til Askvoll for skikkeleg rehabilitering: fekk sveist på nye
nettfester, laga nye løpehjul til nettet og retta ut stengene. Elles er det eit problem med
lite oppmøte på trening av og til, det verkar som mange av barna avtalar seg i mellom om
ein skal gå eller ikkje. Er likevel planar om å starte opp igjen til hausten.

Volleyball vaksne over 16 år. Gruppeleiar: Asgeir Torvanger.

Trening ein gong pr. veke (torsdag) i gymsalen på skulen frå kl. 19.00 – 21.00.
Er heilårsaktivitet som føl skuleåret, med start i august og slutt i juni. Stabilt og godt
oppmøte, gjennomsnitt på 15 kvar gong. Dette er eit skikkeleg breiddeidrettstilbod, dei
siste 5 åra har over 80 ulike vaksne vore med på desse treningane. Er også tilbod om
trening i haust-, jule-, vinter- og påskeferien. Planen er å starte opp igjen til hausten.

Fotballtennis vaksne over 16 år. Gruppeleiar: Asgeir Torvanger.

Trening ein gong pr. veke (fredag) i gymsalen på skulen frå kl. 21.00 – 23.00.
Halvårsaktivitet med start medio oktober. Tida er berekna slik at elevar frå vidaregåande
skular kan delta når dei kjem heim til helgar. Veldig stabilt oppmøte med ca. 10 stk kvar
gong. Har aldri måtta avlyse p.g.a. for lite oppmøte. Er også tilbod om trening i jule- og
vinterferie. Planen er å starte opp igjen til hausten.

Medlemmar i BIL:

Ved utgangen av 2010 var det registrert totalt 75 betalte medlemmar i laget og 21
støttemedlemmar. Det er fleire born og vaksne frå Værlandet som deltek på fotball og
volleyballaktivitetar i BIL. Laget må ha fokus på at medlemsavgift vert innbetalt av born og vaksne
som nyttar BIL sine tilbod. Dette er særskilt viktig for dei som er med på fotballtrening og kampar,
då kontingenten dekkjer forsikring ved evt. skade.

Vedlikehald og investering:

Bulandet idrettslag eig fotballbana med tilhøyrande utstyr (lyskastarar m.v.) Utstyr- og
salsboda ved fotballbana skal ferdigstillast med takstein/plater og innreiing. Det kan vere aktuelt
å kjøpe inn sitjebenkar/gruppertil heime- og gjestelag som spelar kampar. Det er kjøpt inn mindre
utstyr til fotballgruppa.

Økonomi:

Laget har ein bra og stabil økonomi. Grasrotandelen gjev god inntekt til laget. For å sikre
fullfinansinering av Bulandet badebasseng har BIL tidlegare sett av kr. 50.000,- i øyremerka midlar
til dette. Viss bassenget ikkje vert realisert går midlane tilbake til idrettslaget.

Viser elles til kommentarer frå kasserar, rekneskap for 2010 og uttale frå revisorar.