KJÆRE BYGDEFOLK!

Vi i Temaparken har starta oppatt med eit nytt arbeidsår. I år vil vi laga til ei skuleutstilling i det gamle klasserommet på loftet i Temaparken. Vi vil og henge opp bilder og liknande i trappeoppgangen.

Kathrin har samla saman ein del gamle bøker dei ikkje har plass til på skulen, og vi har eit par gamle pultar, men elles treng vi hjelp frå dykk.

Er det nokon som har gamle ranslar, penal, matboksar, skulebøker, ting dei har laga på sløyden eller handarbeid heime, håpar vi de vil låne det ut til utstillinga.

Vi vil og prøva å få kopiera opp gamle og nye skulebilde og klassebilde, så langt tilbake som råd, og hengja dei opp i gangen. Har de slike heime, så gje oss beskjed så vi kan kopiera dei.

Har de nokon gode historiar frå skuletida og skulevegen opp gjennom tidene, så skriv det ned. Det hadde vore kjekt å samla slik historie i ein perm, medan folk enno hugsar dei.

Vi vil og få takke alle for at de alltid viser velvilje og hjelper oss kvar gong vi set i gang med nye prosjekt. Utan dykkar hjelp, hadde det ikkje blitt nokon utstilling. Håpar de kan hjelpa oss denne gongen og. Berre ta kontakt med nokon av oss i Temaparken.

Liv Turid Gjørøy 91317194

Eli Sandøy 90870557

Bente Norheim Hillersøy 48291898

Marianne Hillersøy 40879356