Svartenaustet er vekke - ein epoke er over.

Det legendariske svartenaustet i Landøyna er no historie. Tysdag vart det brent. Dei fleste som har vakse opp i Landøyna har vel ganske sterke minne i frå opplevingar i dette naustet. Vi hadde vel ikkje lov å vere der, men her vart det herja, leika gøyme og leite, studert anatomi og røykt ein del opp i gjennom åra. Nokre har vel også overnatta her frå tid til annan, når turen heim til ho mor føltest uoverkommeleg.

Opprinneleg vart naustet bygd som eit felles naust for  folk i Landøyna, Kalvøyna og Myrvågen. Her hadde dei sildenøter og doriar og lettbåtar. Naustet var i grunnen ikkje brukande til å oppbevare sildenøter i. Ein gong det var mykje sild inn med Alden, for karane ut att for å hente ei større not. Denne fekk dei ikkje tak i for det var for stor fjære til at dei flaut opp med båten.

Takk til Astri for dei fire siste bileta her.

Her var det passeleg usjenert, og litt skummelt.	Svartenaustet, farvel!	Svartenaustet i full fyr!	Skal tru kva det er som brenn so godt? Er det all litteraturen i norde kråna, kanskje?	Vi må passe på, so elden ikkje spreier seg.
Minna strøymer på....?