Styremøte i Værlandet Vel
sundag 12.09.2010 i staua i Bygdetunet
Tilstades: Audun Oddekalv, Tone Nybø, Arnt Henning Blom, Magni Blom Landøy (1.vara) og Elin Blom Vesterås.
Saker:
Økonomi. Det utvendige sanitæranlegget i Gjesteheimen (gamleskulen) har fått seg ei nødvendig oppgradering med nytt tak både ute og inne, nytt elektrisk anlegg og varmtvatn. Kostnaden er kr 102521,- for snikkar, elektriker og rørleggar. Den gode nyheita er at Værlandet Vel har so god økonomi at vi slepp å ta opp meir lån for å dekke denne kostnaden :) Det står no att litt målingsarbeid på det eine toalettet, og so må det kjøpast inn 2 varmeovnar i løpet av hausten. Styret vil etterkvart vurdere om det bør leggast golvbelegg på toaletta. I tillegg bør det kanskje lagast til ein dusj på det eine toalettet.
Dugnad i Gjesteheimen. Vi må få til ei meir permanent vaskeordning i lokala til Kulturskulen. Styret kan ta dette sjølv på omgong (v/ Elin og Reidun), då kommunen betalar Værlandet Vel for dette. Arnt Henning og Audun tek seg av å få målt golvet på eine toalettet i det utvendige sanitæranlegget.
Engelbua Museum. Styret hadde ei lita oppsummering av sommarens drift. Det har vore ope nokre dagar i veka i juli og 1.veka i august, med litt meir besøkande enn i fjor. Vaktene der har vore delt på medlemmar av museumsnemnda + nokre andre frivillige. På denne måten klarar vi å ha eit minimumstilbod, med sjeldne opningstider og kanskje litt begrensa kunnskap. Når det gjeld drifta framover meiner styret at det ikkje går an i lengda å basere det berre på dugnadsarbeid. Styret drøfta fleire alternativ, og vart einige om å finne ut om det er mogleg å kople det opp mot andre aktørar innanfor bl.a. reiseliv i bygda. Kanskje bua kan leigast ut på same måte som Værlandet Gjesteheim?
Ny rasteplass med info om aktivitetar og tilbod i Værøyhavna. Det er kome innspel om at det er behov for eit busskur ved krysset Havna/Landøyna. Kanskje det er ein god idè å kombinere dette med ein rasteplass med informasjon om kva som finnast i Værøyhavna? Når Infosenteret ved Værlandet Båt står ferdig er det truleg at det vert behov for meir skilting om dette tilbodet m.m. Styret ser for seg at dette kan verte eit samarbeid mellom grunneigar Stiftelsen Alvhilds Minne, Værlandet Vel, Infosenteret og kanskje andre næringsdrivande i området. Det er veldig viktig å finne ut «kva ende vi skal begynde i» og sette i gong diverse prosessar snarast. Audun snakkar med Lene Gjelsvik og Frida Melvær frå styringsgruppa for informasjonssenteret angåande eit eventuellt samarbeid og framgongsmåte.
Beitepussing. Ein del grunneigarar ynskjer å få innmarka si beitepussa for å det skal sjå finare ut langs vegane :) Kommunen har signalisert at det er lettare å få ut meir SMIL-midlar dersom interesserte grunneigarar lagar ein søknad ilag, og då gjerne i samarbeid med Værlandet Vel. Styret er positive til dette, då vi syns det er eit viktig tiltak i bygda. Audun tek kontakt med ein av grunneigarane om organisering av samarbeid.
Invitasjon til deltaking i stiftinga Norsk Sjøfuglsenter. Værlandet Vel har fått invitasjon til å vere med i denne stiftinga, som skal bygge opp og drive informasjonssenteret for sjøfuglvern i Værlandet. Styret er svært positive til denne storsatsinga her på Værlandet, og ser for oss positive ringverknadar for øyane Værlandet og Bulandet. Vi går difor inn som medstiftar med kr 5000,-. I tillegg ynskjer styret ein fast representasjon i styret for stiftinga, då ved leiar i Værlandet Vel.
Status ambulansebåten. Audun informerte litt om det han veit til no om denne saka. Det har i media denne sommaren kome fram at Helse Førde er begynt å sjå på om det er mogleg å få til innsparingar på ambulansetenesta i øyane i Askvoll. Eit forslag har gått på å ha ein ambulansebåt stasjonert i Solund, som skal dekke både Askvoll og Solund. I tillegg skal ambulansehelikopter frå sykehuset i Førde eller redningshelikopter stasjonert i Florø rykke ut ved behov. Vi meiner at eksisterande legevaktordning er på eit minimum, og syns det er veldig urovekkande at vi kan risikere å få ein endå dårlegare nødberedskap enn det vi har no. Saka har enno ikkje vore oppe i Helse Vest.
Vegen på/over Leite. Vegen har etterkvart vorte svært elendig. Den auka trafikken i området, med bl.a. store køyrety, har ført til at vegen no har so dårleg standard at ein risikerer å ødelegge nye bilar. I tillegg var det siste vinter umogleg å få fram varer til bedriftene over ei tid på fleire veker, då det ikkje let seg gjere å brøyte vegen godt nok slik at lastebilar kunne komme fram. Kommunen er gjort merksam på dette problemet fleire gonger, men har ikkje gjort noko endå. No hastar det veldig! Med aukande trafikk til infosenteret, eventuellt hyttefelt og anna næringsverksemd elles, kan vi ikkje skjønne noko anna enn at kommunen må gjere noko snarast med vegen. Værlandet Vel skriv eit brev om behovet for opprusting til Formannskapet, teknisk etat og medlemmane i teknisk utval. Styret vil òg nemne for kommunen at det kanskje kan vere andre alternativ på noko lenger sikt når det gjeld framkomst til området. Kanskje eventuelle kostnadar ved ei utviding av eksisterande veg bør vurderast opp mot ein heilt ny trasè? (Men då sjølvsagt ikkje på bekostning av den standarden som eksisterande veg må ha!)
Andel i mobil scene. Musikklubben Askesus har invitert Værlandet Vel til å kjøpe seg inn med ein andel i ei scene som kan leigast ut på arrangement rundt omkring i kommunen. Eig ein i scena vert det rimelegare å leige den. Dette er ei scene med tak og 3 veggar montert på ein hengar. Det tek kort tid å sette den opp, og den er laga til for rigging av lyd og lys. Styret meiner at ei slik scene kan vere kjekk å ha t.d. Nordsjøporthelga, og gjekk inn for å kjøpe ein andel i scena. Vi forutset då at den er «vår» når det er Nordsjøporthelg :) Pengane tek vi frå overskotet i forbindelse med årets Nordsjøporthelg.
Skrivar Elin Blom Vesterås