ÅRSMELDING FOR VÆRLANDET VEL 2007

Dette året har vi hatt eitt årsmøte, tre styremøter og fire fellesmøter med Bulandet Grendalag, samt eit fellesmøte med Atløy Vel.

Saker som har vore arbeidd med i 2007:

• Skottland/Shetland samarbeidet. Astri har vore på Shetland saman med Laila Halsøy og Marianne Hillersøy. Vi var ein del av ei gruppe frå fylkeskommunen leia av Trond Ueland. I forkant av Shetlandsturen var vi samla i Aurland saman med skottar og shetlendarar. Linda var saman med Alfred Vorland og Gry Leite Askvoll kommune sine utsendingar under opninga av det nye Shetland Museum i Lerwick. I tillegg har Linda vore i Skottland saman med Gry og Johannes Anonby frå Fylkesmannens miljøvernavdeling. Dei vitja Isle of Skye, og fekk mange innspel til det framtidige naturbrukssenteret i Hamna.

Når skottane besøkte Værlandet i februar var Tourism and

Interpretation tema. Nordsjøpasset er eit direkte resultat av dette.

Astri, Marianne og Laila på tur i verdsarvområdet Nærøyfjorden.

Up Helly-Aa vart feira på Værlandet Båt i januar.

• Nordsjøporthelga 2007, samarbeid med Bulandet Grendalag.

Frå søndagens kulturarrangement ved Værlandet Båt i Hamna.

• Museumet Engelbua, sjå eiga årsmelding.
• Rogavlen
• Parknemnda, sjå eiga årsmelding.
• Vi har fått ordna gravsteinen til Per Hansen, og syter føre at det vert ordna med blomster/lys på gravstedet.
• Overrekking av skiltet ”Sjå deg ikkje attende”, eit fellesprosjekt med Bulandet grendalag. Eit vellukka arrangement, men det å få noko gratis vert ikkje billig! Vi fekk tilskot frå Askvoll kommune v/kultur og næring som dekkjer store delar av reisekostnadane.

Kunstnar, grendalagsleiarar og skiltmakar.

• Skreve brev om gatelys, humpar i vegen og branndepot. Branndepotet vert plassert ved Gamleskulen
• Vi er i gang med arbeidet med ny tekst i informasjonstavlene.
• Løypa vår til Breiheia er bra brukt.
• Deltatt på møter om framtidig ferjemateriell, opningstid i samband med anbod.
• Innspel til rutemøte, lovnad om sein søndagsrute og at det vert jobba med like ruter alle kvardagane.
• Værlandet Gjesteheim (tidlegare Værlandet gamleskule), sjå eiga årsmelding.