Styremøte i Værlandet Vel torsdag 20/1-05.

Til stades: Audun Oddekalv, per Vidar Nybø, Linda Landøy, Laila Kråkenes, Roar Landøy, Astri Thorsen Landøy.

Forfall: Signe Marie Landøy

Sak 1) Referat frå førre møte. Godkjent.

Merknad: Nera byggjer mast på Atløy for utbygging av breiband m.a. til øyane. Tidsperspektiv er første halvdel av 2005.

Sak 2) Innsamling til hjartestartar.

Vi har nådd målet på kr. 25000,-. Endeleg svar på vår søknad om utplassering av hjartestartar vert gitt i februar.

Sak 3) Innkomne og sendte skriv

• Ang. Værlandet skule. Vi har fått tilbakemelding frå Askvoll kommune der dei tek på seg utgiftene til vask og straum i dei romma kulturskulen nytter. Endeleg overtaking vert når Værlandet Vel har betalt kjøpesummen kr. 15000,- og tinglysingsgebyret. Askvoll kommune sender rekning på dette.
• Skriv til Askvoll kommune ang. ruteplanarbeidet. Innspel frå Værlandet Vel og Bulandet Grendalag.
• Skriv frå Askvoll kommune: Innspel til ruteplanarbeidet. Kpoi av brev sendt til fylkeskommunen.

Sak 4) Årsmøte

Årsmøtet vert laurdag 5/2 kl.16.00 i gamleskulen. Valnemnda har fått melding om å starte arbeidet.

Sak 5) Overtaking av skulen

• Værlandet Vel v/hustyret har fpått brannvarslingsanlegg av Loran C.
• Naudsynt innkjøp vert gjort.
• Husstyret arbeider saman med kultur og næringssjefen med utarbeiding av BU søknad.

Sak 6) Eventuelt

• Organisering av velforeininga. Per Vidar la fram at ein bør sjå på korleis vi organiserar arbeidet vårt/kan ei anna inndeling vere teneleg?

Referat frå styremøte i Værlandet Vel 13/12-04 kl.20.00

Stad: Værlandet bygdehus

Desse møtte: Audun Oddekalv, Signe Marie Landøy, Per Vidar Nybø, Linda Landøy, Roar Landøy, Astri Thorsen Landøy

Frå husstyret: Elin Blom Vesterås, Erna Nekkøy og Linda Landøy

Sak 1) Overtaking av Værlandet skulehus.

Skriv frå Askvoll kommune 2/12-04. Vi vart samde om ordlyden i svarbrevet der Værlandet Vel takker ja til å kjøpe skulen for kr. 15000,-. Vi vil behalde kulturskulen i bygget, men ber om at kommunen betaler straum og vask av dei romma kulturskulen nyttar.

Sak 2) Innsamling til hjartestartar.

Sidan førre møte har vi fått kr. 4000,- i gåve frå Askvoll Røde kors, vi nærmar oss difor summen og bestiller startaren. Elin Landøy ordnar med bestilling frå Luftambulansen.

Sak 3) Skriv frå Statens Vegvesen

Svarbrev ang. kommunal veg og skilting. Vi må avvente å sjå kva som skjer om fylkeskommunen overtek vegen slik han er i dag.

Sak 4) Bokbåten

Den sterke mobiliseringa langs kysten var pådrivar for at bokbåten vart berga denne gongen.

Sak 5) Det årlege møte mellom kommunen ved formannskapet og velforeiningar/grendalag vart referert.

Sak 6) Møte med Møreforskning ang. Atløysambandet

Laila Landøy møtte frå øyane. Endeleg rapport vert utarbeidd.

Sak 7) Eventuelt

• Breiband – Linda tek ny kontakt med Enivest
• Innspel til ruteplanarbeidet må vere kommunen i hende innan 15.januar. Det vert rutemøte i dei einskilde kommunane.